【跟著早早食好西】生日特有情調大餐

上2個星期生日，除左食蛋糕，點少得生日大餐!!大餐去左THE SKY BAR食，咁大個女其實第一次食，因為平時覺得佢好貴，反正生日唔洗自己比錢，貴又有咩所謂! 侍應安排左我坐係勁入面的梳化位，隔離有個超大電視睇波，私隱度唔錯，如果想浪漫D可以坐出面欄杆位，燈光音樂都比較正喔

我自己就叫左個「海陸拼盤」
有龍蝦、鴨肝、牛柳！！！龍蝦好香焗過既味，食落好爽口彈牙，牛柳煎到外皮燶燶地，入面叫左7成熟，無OVERCOOK，外脆內軟，最重要係配埋鴨肝食，話就話鴨肝，其實我食落覺得同鵝肝差唔多味，連埋牛椰一齊食先唔膩架，每一啖都好幸福。

賤外叫左個SET DINNER，唔洗$300有前菜、主菜、甜品同一杯紅酒，勁抵！

青蘋果蟹肉牛油果他他

前菜好FRESH啊~ 估唔到青蘋果同牛油果咁夾，青蘋果個味出D，青新D，蟹肉食到尾都有，勁開胃。

安格斯牛扒
呢個都係叫左7成熟，同我個牛柳比就差少少喇，唔夠牛味，有點UN，自己落胡椒同埋鹽味道會好D喔！

特濃朱古力
上左蛋糕先上呢個甜品，我根本食唔落HAHA，同埋我唔食朱古力的，賤外食左一啖表示較為普通。

紅酒
就真係一杯普通到唔想飲第2啖既酒。

好好彩我係食海陸拼盤，如果下次多人黎試下SNACK 都好!! 個洋蔥圈好似好正咁。

店名：THE SKY BAR
地址：旺角亞皆老街8號朗豪坊13樓1號舖

Follow Jojo Tail